Yeh Degree bhi lelo, Yeh Naukri bhi lelo,

Image via Wikipedia

Yeh Degree bhi lelo, Yeh Naukri bhi lelo,
Bhale mujhse lelo woh US ka Visa,
Magar mujhko lauta do college ki canteen,
Woh TeeKha Samosaa, Woh thanda saaa paani,

Woh College ki sabse - purani nishaanee,
Woh chai vaalaa jisko - saare kehte the... jaani,
Woh jaani ke hathon - ki 'cutting' chai meethi,
Woh chup-kese journal - mein jo bheji thi chitthi,
Woh padhte hi chitthi - tha uska bhadakna,
Woh chehre ki laali, woh aankhon kaa gussaa..
Woh teekha samosa, woh thanda saaa paani………..

Kadi dhoop mein - apni room se nikalnaa,
Woh project ki Khatir - tha dar dar bhataknaa ,
Woh lecture mein doston - ki proxy lagaanaa,
Woh sir ko chidana, aeroplane udaanaa,
Woh submission ki raton - ko jagna jagaanaa,
Woh classrooms ke kisse, woh internals ki kahani....
Woh teekha samosa, woh thanda saaa paani……….

Woh dena Bimaari - ka har time bahana,
Woh doosron ka assignment - ko apnaa banana,
Woh seminar ke din - pairon ka chat-patanaa,
Woh workshop mein din bhar - pasinaa bahanaa,
Woh slogans banana - aur Gym me rakhadna,
Phir Exam ke din ko – tha bechain hona,
Woh teekha samosa, woh thanda saaa paani……..

College ki thi - woh lambi si raatein,
Woh doston se tapre pe - pyaari si Baatein;
Woh gathering ke din ka – jo ladnaa Jhagadnaa;
Woh kudiyon ka yuhin - hamesha akadnaa;
Bhulaaye nahin bhool sakta hai koi -------
Woh college, woh baatein, woh guzara jamana…

Woh teekha samosa, Woh thanda saaa paani…….
Woh teekha samosa, Woh thanda saaa paani……