zindagi aur kuch bhi nahin teri meri kahaani hai

ek pyar ka nagma hai, maujon ki ravaani hai

zindagi aur kuch bhi nahin teri meri kahaani hai



kuch paakar khona hai, kuch khokar paana hai

jeevan ka matlab to aana aur jaana hai

do pal ke jeevan se ek umr churaani hai

zindagi aur kuch bhi nahin teri meri kahaani hai



tu dhaar hai nadiya ki, main tera kinaara hoon

tu mera sahaara hai, main tera sahaara hoon

aankhon mein samandar hai, aashaaon ka paani hai

zindagi aur kuch bhi nahin teri meri kahaani hai



toofaan to aana hai, aakar chale jaana hai

baadal hai yeh kuch pal ka, chhaakar dhal jaana hai

parchhaaniyan reh jaati, reh jaati nishaani hai

zindagi aur kuch bhi nahin teri meri kahaani hai



Jo beet gaya hai who, ab daur na aayega

Is dil main siwa tere, koi aur na aayega

Ghar phoonk diya humne, ab raakh uthani hai

Zindagi aur kuch bhi nahin , teri meri kahani hai



Tum saath na do mera, chalna mujhe aata hai

Har aag se waakif hun, jalna mujhe aata hai

Tadbeer ke haathon se, taqdeer banana hai

Zindagi aur kuch bhi nahin , teri meri kahani hai



ek pyar ka nagma hai, maujon ki ravaani hai

zindagi aur kuch bhi nahin teri meri kahaani hai



ek pyar ka nagma hai